Ekologjia

E vendosur përbri detit Jon, pjesë e Rivierës Shqiptare, Lukova është një fshat që njihet për ullishtat shekullore, shpatet me brezare dhe gjurmët e ardhjeve, largimeve dhe transformimeve. Për të studiuar dhe dokumentuar ndryshimet që po zhvillohen në Lukovë, zyra e hbs-së në Tiranë, në bashkëpunim me Qendrën e Studimeve të Antropologjisë Sociale e Kulturore (QSASK), organizon prej tre vitesh një shkollë stinore kushtuar studimit antropologjik të dinamikave sociale, ekonomike, ekologjike dhe kulturore të rajonit.

"Dëlirësia e Vjosë-Nartës" është një ndërhyrje artistike e realizuar nga Qendra për Ruajtjen dhe Mbrojtjen e Mjedisit Natyror në Shqipëri (PPNEA) në bashkëpunim me Fondacionin Heinrich Böll, Zyra Tiranë. Qëllimi i kësaj nisme është të sjellë në fokus speciet  e rrezikuara të shpendëve që gjejnë strehë në Lagunën e Nartës, e cila gjendet në grykëderdhjen e Lumit Vjosa, të fundit lumë të paprekur në Evropë.

"ACTUS për Vjosën" është një vepër artistike, e realizuar me pjesëmarrjen e artistëve shqiptarë dhe evropianë dhe që i kushtohet mbrojtjes së Vjosës, lumit të fundit të egër në Evropë. Shfaqja rikrijon një botë në miniaturë, një strukturë amorfe e të rrjedhshme, duke i bërë jehonë teorisë së “shoqërisë fluide”.

Demokracia energjetike përfaqëson një koncept politik, ekonomik, shoqëror dhe kulturor që synon të lidhë tranzicionin teknologjik të energjisë me forcimin e proceseve demokratike dhe pjesëmarrjen publike. Zbatimi i saj praktik realizohet kryesisht përmes komuniteteve të energjisë së rinovueshme. Për më shumë informacion mbi konceptet dhe praktikat e demokracisë energjetike, ju ftojmë të lexoni këtë dosje. 

“Shqipëria është Biodiversitet” është një fushatë edukimi që synon të rritë ndërgjegjësimin rreth llojeve dhe ekosistemeve të veçanta dhe të rrezikuara të Shqipërisë. Duke ndërthurur artin dhe edukimin, fushata sjell njohuri të reja dhe tërheqëse mbi llojet, habitatet dhe nevojën për ruajtjen e tyre.