Publikimet

Kalendari për vitin 2025 është punuar me dorë dhe i printuar me teknologjinë RISO. Teknologjia RISO bazohet në një proces ekologjik, që përdor bojë me përbërje soje dhe shfrytëzon pak energji. Çdo printim mund të ndryshojë lehtësisht, çka e bën secilën kopje të veçantë. Mund të vini re edhe papërsosmëri, të cilat, sipas nesh, i shtojnë hijeshi botimit. 

“Shqipëria është Biodiversitet” është një libër dygjuhësh (shqip–anglisht) me ilustrime që prezanton 38 nga llojet më të rrezikuara dhe më të veçanta të Shqipërisë. Ky botim vë në pah rolin e vendit si një nga pikat më të rëndësishme të biodiversitetit në Evropë dhe thekson rëndësinë e ruajtjes së trashëgimisë së tij të pasur natyrore.

Ky botim vjen si vijim i tre diskutimeve të hapura të mbajtura në dhjetor 2023, në kuadër të platformës Green Sofa. Këto ese ofrojnë shembuj etnografikë dhe qasje teorike mbi dimensionet shoqërore, kulturore, ekonomike, politike, ligjore dhe ekologjike, të cilat artikulojnë konceptin e të përbashkëtave në antropologji.

Të ushqyerit, na kujton Berry, është një akt bujqësor dhe politik. Është një lidhje e drejtpërdrejtë me tokën, një marrëdhënie që shumica prej nesh nuk e kuptojnë më. Kjo amnezi kulturore na kthen në konsumatorë idealë për industrinë: të shkëputur nga rrënjët, të pavetëdijshëm dhe të përhumbur pas rehatisë së produkteve të parapërgatitura, të paketuara, të shpërndara dhe të reklamuara.

Gjatë 75 viteve të fundit, teksa njerëzit e kanë çuar planetin e gjallë në prag të shkatërrimit, mendimtarë vizionarë nga e gjithë bota, janë ngritur në mbrojtje të tij. Jehona e fjalëve të tyre vjen e fuqishme edhe në ditët tona dhe vepra e tyre është shndërruar në klasikët që përcaktojnë lëvizjen mjedisore të sotme. 

Shqipëria është një nga vendet e Evropës që dallohet për endemizma. Bimët endemike kanë rëndësi shumë të madhe, duke filluar nga qëllimet shkencore, mjekësore, e deri te kultivimi i tyre si bimë zbukuruese. Lexo më shumë.

Biodiversiteti përfshin të gjithë shumëllojshmërinë e organizmave të gjallë në të gjitha format që natyra ka krijuar, si llojet detare, të ujërave të ëmbla, lloje tokësorë, etj. Ai përfshin nga mikroorganizmat më të vegjël, si bakteret, deri te balenat gjigande që njihen si llojet më të mëdha që jetojnë në planetin tonë, e që gjithashtu vizitojnë Shqipërinë. Por përtej kësaj pasurie të jashtëzakonshme, biodiversiteti ka rëndësi thelbësore për jetën tonë të përditshme. Lexo më shumë.

Lagunat bregdetare sigurojnë një habitat të përshtatshëm ku shpendët e ujit mund të folezojnë, ushqehen e të pushojnë. Por, presioni i projekteve zhvillimore ka bërë që lagunat bregdetare të vendosen në rrezik. Lexo më shumë.

Me më pak se 10 individë të mbetur në Shqipëri, rrëqebulli i Ballkanit është një nga llojet më të rrezikuara në botë. Ky grabitqar i heshtur, që qëndron në majë të zinxhirit ushqimor, nuk ka armiq natyrorë, por rrezikon të zhduket për shkak të aktivitetit njerëzor. Lexo më shumë.

Në Shqipëri janë identifikuar të paktën 9 lloje shpendësh shtegtarë, përfshirë kalin e qyqes dhe lejlekun e bardhë. Megjithatë, çdo vit, rreth 206,000 deri në 325,000 shpendë vriten ose kapen ilegalisht, duke e renditur Shqipërinë ndër 10 vendet më të rrezikshme në Mesdhe për shpendët shtegtarë. Lexo më shumë.