Małgorzata “Gosia” Matyla është një mjeshtre mozaiku polake, e diplomuar në Shkollën e Mozaistëve të Friulit (Itali, 2022). Ka punuar në disa shtete dhe më së fundmi në Kanada. Ajo është specializuar për realizimin e mozaikëve prej mermeri për dysheme industriale dhe ata artistikë. Ajo ka punuar si me modelet e strukturuara gjeometrike, ashtu edhe me mozaikët figurativë, teksa vijon pasionin e saj për bizhuteritë me mozaikë të vegjël. Ky pasion është diçka që ajo e ndan nga afër me motrën e saj binjake, me të cilën vazhdon udhëtimin e saj artistik si pjesë e ekipit MatylasMosaic.

Puna e saj pasqyron një lidhje të fortë me natyrën dhe një besim tek arti si një mjet i rrëfimit kulturor dhe ndërgjegjësimit mjedisor, që është edhe një nga arsyet kryesore për përfshirjen e saj në fushatën “Shqipëria është biodiversitet”. Në këtë fushatë, Gosia po jep kontributin e saj për realizimin e mozaikut me përmasa të mëdha, si pjesë e një ekipi me pesë anëtarë për prodhimin e mozaikut në Tiranë.