Bota jonë e dikurshme

Gjatë 75 viteve të fundit, teksa njerëzit e kanë çuar planetin e gjallë në prag të shkatërrimit, mendimtarë vizionarë nga e gjithë bota, janë ngritur në mbrojtje të tij. Jehona e fjalëve të tyre vjen e fuqishme edhe në ditët tona dhe vepra e tyre është shndërruar në klasikët që përcaktojnë lëvizjen mjedisore të sotme.

Wangari Maathai (1940-2011) është një nga këto zëra. Ajo ishte një aktiviste, fituese e Çmimit Nobel për Paqen dhe themeluese e Lëvizjes për Brezin e Gjelbër, e cila deri më sot ka mbjellë 51 milion pemë në Kenia. Në librin e saj “Bota Jonë e Dikurshme”, ajo trajton fuqinë e shenjtë të pemëve dhe pse njerëzit i shkatërrojnë pyjet që na mbajnë gjallë.

Ku mund ta gjeni librin?
Librin mund ta gjeni te partnerët tanë ose te Berk, Librari Valentini dhe librari të tjera të mëdha në të gjithë Shqipërinë. Klikoni lidhëzën për blerje online.