Publikimet

“Shqipëria është Biodiversitet” është një libër dygjuhësh (shqip–anglisht) me ilustrime që prezanton 38 nga llojet më të rrezikuara dhe më të veçanta të Shqipërisë. Ky botim vë në pah rolin e vendit si një nga pikat më të rëndësishme të biodiversitetit në Evropë dhe thekson rëndësinë e ruajtjes së trashëgimisë së tij të pasur natyrore.

Gjatë 75 viteve të fundit, teksa njerëzit e kanë çuar planetin e gjallë në prag të shkatërrimit, mendimtarë vizionarë nga e gjithë bota, janë ngritur në mbrojtje të tij. Jehona e fjalëve të tyre vjen e fuqishme edhe në ditët tona dhe vepra e tyre është shndërruar në klasikët që përcaktojnë lëvizjen mjedisore të sotme.
 

Biodiversiteti përfshin të gjithë shumëllojshmërinë e organizmave të gjallë në të gjitha format që natyra ka krijuar, si llojet detare, të ujërave të ëmbla, lloje tokësorë, etj. Ai përfshin nga mikroorganizmat më të vegjël, si bakteret, deri te balenat gjigande që njihen si llojet më të mëdha që jetojnë në planetin tonë, e që gjithashtu vizitojnë Shqipërinë. Por përtej kësaj pasurie të jashtëzakonshme, biodiversiteti ka rëndësi thelbësore për jetën tonë të përditshme. Lexo më shumë.

Lagunat bregdetare sigurojnë një habitat të përshtatshëm ku shpendët e ujit mund të folezojnë, ushqehen e të pushojnë. Por, presioni i projekteve zhvillimore ka bërë që lagunat bregdetare të vendosen në rrezik. Lexo më shumë.

Me më pak se 10 individë të mbetur në Shqipëri, rrëqebulli i Ballkanit është një nga llojet më të rrezikuara në botë. Ky grabitqar i heshtur, që qëndron në majë të zinxhirit ushqimor, nuk ka armiq natyrorë, por rrezikon të zhduket për shkak të aktivitetit njerëzor. Lexo më shumë.

Në Shqipëri janë identifikuar të paktën 9 lloje shpendësh shtegtarë, përfshirë kalin e qyqes dhe lejlekun e bardhë. Megjithatë, çdo vit, rreth 206,000 deri në 325,000 shpendë vriten ose kapen ilegalisht, duke e renditur Shqipërinë ndër 10 vendet më të rrezikshme në Mesdhe për shpendët shtegtarë. Lexo më shumë.

Dy detet e Shqipërisë, Adriatik dhe Jon, janë shumë të rëndësishëm për gjallesat që jetojnë në detin e Mesdheut. Aty gjenden një shumëllojshmëri llojesh detare, duke filluar që nga llojet e rralla si foka e Mesdheut, breshka e detit e shumë te tjera, të cilat janë thelbësore për ekosistemin dhe zinxhirin ushqimor. E megjithatë gjitha këto lloje përballen me një mori rreziqesh. Lexo më shumë mbi to.

Në zonat me biodiversitet të lartë në Shqipëri, komunitetet lokale e shohin praninë e arinjve si një ogur të mirë për zhvillimin e turizmit natyror. Për adhuruesit e jetës së egër, ariu i murrmë është tregues i një ekosistemi të shëndetshëm dhe të vlefshëm për t’u eksploruar. Po cilat janë disa nga veçantitë e këtij gjitari trupmadh? Lexo më shumë.