Politika e Jashtme e Vendeve të Ballkanit nga Perspektiva e Shteteve të Vogla

Gjatë këtij seminari, dy fokuset kryesore tematike do të jenë përkatësisht Shtetet e Vogla dhe Politika e tyre e Jashtme, dhe më pas fokusi do të zhvendoset drejt rasteve individuale nga shtetet e Ballkanit Perëndimor. Të gjithë të ftuarit në këtë event janë akademikë dhe studiues, projektet dhe fushat e ekspertizës së të cilëve kanë të bëjnë me temën e politikës së jashtme të shteteve të vogëla dhe politikat e Bashkimit Evropian/Ballkanit Perëndimor.

Ne besojmë në fuqinë e kërkimit për të ndihmuar në ndërtimin e shoqërive më të informuara dhe demokratike, prandaj shpresojmë që rekomandimet e propozuara dhe të diskutuara në këtë ngjarje të arrijnë disa nga aktorët kryesorë në sferën politike shqiptare dhe të Ballkanit Perëndimor.